Araratnews.am-ը գրում է.
Իրանը պլանավորում է ընթացիկ իրանական տարվա ընթացքում (սկսվել է մարտի 21-ին) ուղեծիր հանել 2 արբանյակ։ Այս մասին հայտնել է Իրանի տիեզերական գործակալության ղեկավար Մոհսեն Բահրամին, փոխանցում է ՏԱՍՍ–ը։
Նրա խոսքով՝ ներկայումս երեք տիեզերական ապարատ ամբողջովին պատրաստ են գործարկման՝ «Դուսթին», «Նահիդը» եւ «Աթսաթը»։ Նրանցից երկուսը մինչեւ ընթացիկ տարվա վերջը պլանավորվում է ուղեծիր հանել։ Եվս 2 տիեզերական ապարատ՝ «Ֆարսը» եւ «Նահիդ 2»–ը, նախապատրաստական փուլում են գտնվում։
Բահրամին լրագրողներին հայտնել է, որ նրա գերատեսչությունը բանակցություններ է վարում Իրանին «Մեսբահ» կապի արբանյակը վերադարձնելու հարցով։ Այն ստեղծվել էր իտալացի մասնագետների հետ համագործակցությամբ, սակայն Իրանի դեմ պատժամիջոցների պատճառով Թեհրանն այն այդպես էլ չէր ստացել։
