Շոգերն ընկնելուն պես հարց է ծագում՝ որտեղ անցկացնել ամառային արձակուրդը, ինչպե՞ս կազմակերպել որակյալ հանգիստ, որը կլինի մատչելի, մեծ «վնաս» չի տա գրպանի պարունակությանն ու կօգնի թոթափել աշխատանքային տարվա ընթացքում կուտակած հոգնածությունը : Արձակուրդն անպայման պետք է օգտագործել արևի տակ պառկելու, հեռավոր բարեկամներին այցելելու և առօրյայից կտրվելու նպատակով:
BlogNews-ը որոշել է փոքրիկ հարցախույզ անցկացնել ֆեյսբուքահայերի շրջանում և պարզել, թե որտեղ են նրանք որոշել անցկացնել իրենց հանգիստն ու որքան գումար են դրա համար նախատեսել:
|
Վազգեն Սաղաթելյան
|
Աշխատանքի բերումով այս ամառ չեմ հանգստանալու և հանգիստը պլանավորում եմ հոկտեմբեր ամսին: Պատրաստվում եմ մեկնել Կամբոջա կնոջս հետ: Հաշվել ենք, որ ճանապարհածախսն ու հյուրանոցը միասին կարժենան մոտ 2.500 ԱՄՆ դոլար և քանի որ ինքը երկիրը բավականին մատչելի է, ապա այնտեղ 14 օր անցկացնելու համար նախատեսել ենք 1.500 ԱՄՆ դոլարի ծախս: Այսինքն 4.000$ կարժենա մեր հանգիստը: |
|
|
|
|
Սվետլանա Մուրադյան
|
Ես ծովափնյա հանգստի սիրահար եմ: Թեպետ դեռ հստակ չեմ պլանավորել ամառային հանգիստս,բայց մտադրություն կա ընկերներով գնալ Բաթումի: Ակտիվ հանգստի կողմնակից եմ, սիրում եմ մարդաշատ վայրեր,պասիվությունն ինձ համար չէ, ես դրանից ավելի շատ ձանձրանում եմ քան հանգստանում:Սիրում եմ արևը,ջուրը,ծովափը,ավազը, ծովի արևածագն ու մայրամուտը,ափին երաժշտություն լսելը կամ գիրք կարդալը դա լավագույն հանգստի տարբերակն է ինձ համար: Բաթումին ինձ համար հնի ու նորի հետաքրքիր համադրությամբ հագեցած կոլորիտային գեղեցիկ քաղաքն է, Ինչը վերաբերում է վճարման տեսանկյունից այնտեղ կարելի է և՛ մատչելի հանգիստ կազմակերպել, և՛ չմատչելի։
|
|
|
|
|
Լիլիթ Աբգարյան
|
Չափից դուրս համեստ աշխատավարձ ստացող ուսուցիչներս մի քանի տարի օգտվեցինք հանգստի համար նախատեսված փաթեթներից, բայց մյուս տարվանից դրանից էլ չենք կարող օգտվել։ Պլանավորել եմ գնալ Աղվերան և Ջերմուկ։ Իմ հաշվին ունեի 85000 դրամ գումար, որով ամրագրեցի 3 օր Աղվերանու և 2 օր Ջերմուկում։ Երկու քաղաքներ տաքսիով գնալու և վերադառնալու համար անհրաժետ է 40000 դրամ գումար։ Դե ընթացքում էլ միջինը 15000 դրամ կծախսեմ ))) Արդյունքում ստացվում է 85000+40000+15000=140000 դրամ ։) Առնվազն |
|
|
|
|
Արտյոմ Բալասանով
|
Ես խնունդով Սևան քաղաքից եմ, մեր տանն եմ, հանգստանալու: Այստեղ շատ փող չեմ ծախսի, քանի որ լողափեր ևհանգստի համար անհրաժեշտ ամեն բան բոլորը լավ ընկերներինն են, ես կոնկրետ փող չեմ վճարում օգտվելիս: Բայց Սևանում թանկ է հանսգտանալը, եթե դոմիկներից օգտվեի, ամեն մի դոմիկը օրը մոտ 20.000 դրամի սահմաններում է: Մեկ շաբաթ մնալը արդեն մեծ թիվ է, դրա համար հայերը հանսստանում են Բաթումիում և Ուռեկիում: |
|
|
|
|
Արման Գասպարյան
|
Քանի որ այս ամառ ես աշխատում եմ, դժվար թե հանգստանալու հնարավորություն լինի, գուցե մեկ շաբաթով Սևան գնամ կամ երկու :)) Քանի որ այնտեղ տուն ունենք, դժվար թե ինչ որ մեծ գումար պետք լինի: |
|
|
|
|
Լյուսի Քոչարյան
|
Այս տարի անհարմար մարդ եմ հարցման համար, քանզի աղջիկս փոքր է, ու նրա հետ հանգստանալու գնալը կվերածվի տոտալ անհանգստության։ Կմնանք Երևանում, բայց կարճ-կարճ էքսկուրսիկներ կանենք դեպի տեսարժան վայրեր։ |
|
|
|
|
|
|
|
Թեհմինա Արզումանյան
|
Մոտավոր հաշվարկ չեմ կարող ասել, քանի որ նախատեսում եմ հանգստանալ Սյունիքում, պապիկիս հայրական տանը: 2 երեխաներիս հետ եմ մեկնելու: Այնտեղից էլ հուսով եմ գոնե 2-3 օրով Արցախ գնալ: |
|
|
|
|
Ալեն Ղևոնդյան
|
Իմ հանգիստը բավական տարբերակված է: Նախ ընկերներ-գործընկերներիս վստահելի խմբի հետ վրաններով «дикий отдых» տարբերակով գնում ենք անտառ/սար (Լոռի, Տավուշ...), ապա ընտանիքով՝ Սևանա լիճ՝ Շորժայի ափ, առավել պասիվ հանգիստ, շատ լավ ափ, ջուր, քիչ մարդիկ և վերջապես՝ կրկին ընտանիքով Ստեփանավան, մաքուր օդ, բնություն: Սա տարիների ընթացքում ձևավորված հանգստի իմ մշակույթն է, որին հավատարիմ կմնամ նաև այս տարի: Նախատեսել եմ ծախել մինչև 250.000 դրամ: |
|
|
|
|
Անգել Դայան
|
Քանի-որ արձակուրդիս հետ կապված, հանգիստս պետք է կազմակերպեմ ոչ թե ամռանը, այլ սեպտեմբերին՝ թավշյա սեզոնին, կարծում եմ, շատ ավելի մատչելի և լավ տարբերակներ կունենամ, որովհետև հանգստացողների հիմնական զանգվածն արդեն վերադարձած կլինի, և կարող եմ որևէ վառվող առաջարկից օգտվել |
|
|
|
|
Արսեն Բաբայան
|
Դեռ վերջնական չեմ որոշել, բայց հակված եմ հանգիստս անցկացնել ծովափում, Հունաստանում: Անհրաժեշտ է շուրջ 2500 եվրո:
|
|
|
|
|
Աշոտ Ասատրյան
|
Վաղը մեկնում եմ Բաթումի: Հանգստանալու եմ 1 շաբաթ և նախատեսել եմ ծախսել 150.000 դրամ: |
|
|
|
Նանա Գնդոյան
|
Այս ամառ չեմ հանգստանալու, քանի որ աշխատում եմ մինչև սեպտեմբեր: |
Պատրաստեց` Անի Հակոբյանը
