Բեյլը կարող է նոր՝ 7 տարվա պայմանագիր կնքել «Ռեալ»-ի հետ

Մադրիդի «Ռեալ»-ի կիսապաշտպան Գարեթ Բեյլը կարող է նոր պայմանագիր ստորագրել իր թիմի հետ։ Այս մասին տեղեկացնում է Daily Mail-ը։

Պարբերականի փոխանցմամբ՝ նոր պայմանագիր ստորագրելու դեպքում Ուելսի ընտրանու ֆուտբոլիստը կդառնա աշխարհի ամենաբարձր վարձատրվող խաղացողներից մեկը։

Իսպանիայի Լա Լիգայի նախորդ մրցաշրջանում Բեյլը մասնակցել է 23 հանդիպման, խփել 19 գոլ ու կատարել 10 գոլային փոխանցում։

Կիսապաշտպանը «Ռեալ» է տեղափոխվել 2013/14թթ մրցաշրջանից առաջ՝ «Տոտենհեմ»-ից։ Նրա տրանսֆերի արժեքը ռեկորդային է՝ 100 մլն եվրո։ Բեյլի գործող պայմանագրի ժամկետը լրանալու է 2019թ․։