168.am–ը գրում է.

Պեկինում յոգայի շուրջ 150 երկրպագուներ զանգվածային պարապմունք են կազմակերպել բարձրաբերձ ապակե հարթակի վրա, որը գտնվում է 396 մետր խորությամբ քարե կիրճի վրա: Կատարելով ասանաներ՝ նրանք նշել են Յոգայի միջազգային օրը, հաղորդում է Daily Mail-ը:

Jingdong Stone Forest Gorge հարթակը բացվել է 2016 թվականի մայիսին: Նշվում է, որ դա ամենամեծ թափանցիկ դիտահարթակն է աշխարհում. դրա մակերեսը կազմում Է շուրջ 32 քառակուսի մետր:

2014 թվականի դեկտեմբերին ՄԱԿ-ի Գլխավոր ասամբլեան հունիսի 21-ը հռչակել է Յոգայի միջազգային օր: Համապատասխան բանաձեւը ներկայացրել է Հնդկաստանը, որը միաձայն պաշտպանություն է ստացել:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել