Tert.am-ը գրում է.

Խորվաթիայի հավաքականի ավագ Դարիո Սրնան պատրաստ է Եվրոպայի առաջնության խմբային փուլ Չեխիայի դեմ մրցավեճում խաղադաշտ դուրս գալ, չնայած նրան, որ հունիսի 12-ին մահացել է նրա հայրը: Դա տեղի է ունեցել Խորվաթիա – Թուրքիա հանդիպման (1:0) ժամանակ:

34-ամյա պաշտպանն այդ լուրն իմանալուց հետո լքել էր բալկանյան թիմի ճամբարը, որպեսզի մասնակցի թաղման արարողությանը, սակայն հետո վերադարձել է Ֆրանսիա:

«Սա ծանր պահ է իմ ու ընտանիքիս համար: Նրանց հետ զրուցելուց հետո որոշեցի վերադառնալ Ֆրանսիա: Հայրս ամեն ինչ ներդրել է իմ կարիերայիս համար, և եթե նա չլիներ, ես այստեղ չէի հայտնվի: Պետք է ուժեղ լինեմ և ուշադրությունս կենտրոնացնեմ նրա վրա, ինչ առջևում սպասում է ինձ»,- Սրնայի խոսքերն է մեջբերում Reuters-ը:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել