Թուրքիայի նախագահ Ռեջեփ Թայիփ Էրդողանի կուսակցությանն աջակցող տեղի Yeni Akit թերթի առցանց տարբերակը ամերիկյան Օռլանդո քաղաքի ողբերգական իրադարձությունները նկարագրելիս հրաձգության զոհերին անվանել է «այլասերվածներ»։
50 մարդ զոհվել է և 53-ը վիրավորվել ԱՄՆ պատմության մեջ քաղաքացիների խոշորագույն զանգվածային գնդակահարության ժամանակ, որը տեղի է ունեցել Օռլանդոյի գիշերային գեյ-ակումբում։
Պարբերականը թողարկել է հոդված հետևյալ վերնագրով՝ «Գիշերային ակումբի զոհերի թիվը, որտեղ այցելում են այլասերված-հոմոսեքսուալիստները, հասել է 50-ի»։
Այդ թուրքական պարբերականը հայտնի է հրեաների, հայերի և մյուս քրիստոնյաների հասցեին քննադատությամբ։ Hrant Dink Foundation-ի վերջին հաշվարկներով՝ 2013 թվականի առաջին 4 ամիսներին թերթը հրապարակել է 175 հոդված, որոնք ատելություն են սերմանում 8 տարբեր փոքրամասնությունների դեմ։
