Չորեքշաբթի Ուզբեկստանում EgyptAir ընկերության արտակարգ վայրէջք կատարած ինքնաթիռում պայթյունի սպառնալիքը, պարզվել է, կեղծ է: Այս մասին հայտնում է Reuters-ը՝ հղում անելով Եգիպտոսի ավիացիայի նախարարության ներկայացուցչին:
«Ինքնաթիռը պատրաստվում է շարունակել թռիչքը: Դա կեղծ սպառնալիք էր»,- ասել է նա:
«Ալ-Ահրամ» լրատվական պորտալի տեղեկությամբ՝ անցած գիշեր 955 չվերթի Պեկին ուղևորվելուց քիչ անց Կահիրեի միջազգային օդանավակայանի վարչությունում անանուն զանգ է ստացվել ինքնաթիռում դրված պայթուցիկ սարքի մասին: Որոշում է ընդունվել օդանավն իջեցնել ամենամոտ օդանավակայանում՝ Ուզբեկստանում:
Վերջին շաբաթում սա արդեն երրորդ հաղորդումն է EgyptAir-ի ինքնաթիռներում ռումբի առկայության մասին: Նախորդները նույնպես կեղծ են եղել:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
