Երեկ Ադրբեջանի Պաշտպանության նախարարությունը տարածեց հաղորդագրություն, որում առաջին անգամ հայ-ադրբեջանական փաստացի սահմանի արցախյան հատվածն անվանվում է «հակամարտության գիծ» («qarşıdurma xətti»/«line of confrontation») նախկինի «շփման գծի» («təmas xətti»/«line of contact») փոխարեն։
Հաշվի առնելով, որ հայ-ադրբեջանական հակամարտության հարցում պաշտոնական Բաքվի կիրառած լեքսիկոնը, եզրերն ու խոսքային միավորները («wording») բավականին լուրջ մշակում են անցնում իրենց համապատասխան կառույցներում և շատ հազվադեպ ու միայն երկար ծանրութեթև անելուց հետո են փոխվում՝ կարող ենք պնդել, որ եթե «հակամարտության գիծ» եզրն ի վերջո լրիվ փոխարինի ու դուրս մղի «շփման գծին», ապա այս մի փոքրիկ քայլով Ադրբեջանը ևս մեկ անգամ կհավաստի հակամարտությունը տարբեր ուղղություններով էսկալացիայի տանելու իր հետևողական քաղաքականությունը։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել