Tert.am-ը գրում է.
Ինչպես արդեն Tert.am-ը տեղեկացրել է՝ ԱՄՆ-ում 74 տարեկանում կյանքից հեռացել է գերծանր քաշային կարգում աշխարհի նախկին չեմպիոն, լեգենդար բռնցքամարտիկ Մուհամեդ Ալին։
Տեղեկությունը հաստատել է մարզիկի ընտանիքի ներկայացուցիչը։
Վերջին օրերը բռնցքամարտիկն անցկացրել է Ֆինիքս քաղաքի մոտակայքում գտնվող հիվանդանոցում, ուր հայտնվել էր շնչառական օրգանների խնդիրների բարդացման հետևանքով:
Ռուսական «ՌԻԱ Նովոստի» գործակալությունն առաջարկում է հիշել նրա ամենավառ նոկաուտները, որոնց ենթարկվել են մարզիկի մրցակիցները ռինգում.
Սոնի Լիսթոնի դեմ մարտը
1965 թվականի մայիսի 25-ին իր մրցակցին՝ ամերիկացի Սոնի Լիսթոնին, նոկաուտի ենթարկեց հենց առաջին ռաունդում և դարձավ աշխարհ բացարձակ չեմպիոն։
Բրայան Լոնդոնի դեմ մարտը
Մարտը կայացել է 1966 թվականի օգոստոսի 6-ին։
Կառլ Միլդենբերգերի դեմ մարտը
Նույն տարում սեպտեմբերի 10-ին կայացավ գերմանացու հետ մարտը։
Զորա Ֆոլիի դեմ մարտը
Ամերիկացի մարզիկի հետ մարտը կայացել է 1976 թվականի մարտի 22-ին։ Ալին նրան նոկաուտի է ենթարկել 7-րդ ռաունդում և հաստատել է WBA World-ի վարկածով աշխարհի չեմպիոնի կարգավիճակը։
Ջորջ Ֆորմանի դեմ մարտը
Այն կայացել է 1971 թվականի հոկտեմբերի 30-ին։ Մարզիկը մրցակցին նոկաուտի է ենթարկել 8-րդ ռաունդում և ստացել 5 մլն դոլար հոնորար։
