Panorama.am-ը գրում է.
1987 թվականից ամեն տարի մայիսի 31-ն ամբողջ աշխարհում նշվում է որպես ծխելու դեմ պայքարի համաշխարհային օր։ Առողջապահության համաշխարհային կազմակերպությունը (ԱՀԿ) հաստատել է այն որպես «Առանց ծխախոտի» օր:
Ամեն տարի ծխախոտի շրջանառությունը նվազեցնելու համար նոր գործիքներ, նոր մեսիջներ են ուղղվում, այս տարի այն վերաբերում է ծխախոտի տուփերի փաթեթավորմանը: Այս մասին լրագրողների հետ հանդիպմանն ասաց ՀՀ ԱՆ Առողջապահության ազգային ինստիտուտի տնօրեն Ալեքսանդր Բազարչյանը:
«Առաջարկվում է ծխախոտի տուփը դարձնել այնպիսին, որ այն չպարունակի որևիցե գովազդային տարր, միայն նշվի ծխախոտի ապրանքատեսակի անվանումը և առողջապահական հայտարարությունը, չունենա նույնիսկ գունային տարբերություններ: Դա արդեն կիրառվում է Ավստրալիայում, լայնորեն քննարկման փուլում է Միացյալ թագավորությունում»,-նշեց նա:
Անդրադառնալով Հայաստանի ծխախոտի օգտագործման վիճակագրությանը՝ ՀՀ ԱՆ Առողջապահության ազգային ինստիտուտի տնօրենը հայտնեց, որ այս տարի անց են կացրել նոր հետազոտություն, որի համաձայն ՀՀ-ում մեծահասակների շրջանում վիճակագրությունը շեշտակի չի փոփոխվել. «Տասնվեց տարեկանից բարձր տղամարդկանց 56 տոկոսն է ծխող: Մի փոքր տեղաշարջ է կատարվել տարիքային խմբերի մեջ: Դրական տենդենցը նրանում է, որ 40-50 տարեկան տղամարդկանց մոտ ծխախոտից հրաժարվել է նկատվում, դա պայմանավորված է նրանով, որ այդ տարքիում առողջական խնդիրների առաջացման հետևանքով մարդիկ թողնում են ծխելը»:
Ամբողջական հոդվածը կարող եք կարդալ այստեղ
