Tert.am-ը գրում է.
ԱՄՆ-ի նախագահական մրցապայքարի միակ հանրապետական թեկնածու Դոնալդ Թրամփը հայտարարել է, որ երկրի ղեկավարի պաշտոնում ընտրվելու դեպքում ինքը բացառության կարգով թույլ կտա Լոնդոնի նորընտիր քաղաքապետ Սադիք Խանին Միացյալ Նահանգներ այցելել, գրում է BBC-ն։
«Բացառություններ միշտ էլ լինում են»,-ասել է իր էքսցենտրիկ արտահայտություններով հայտնի միլիարդատերը` հավելելով, որ շատ ուրախ է Խանի ընտրվելու կապակցությամբ:
Ավելի վաղ իր ելույթներից մեկի ժամանակ հանրապետական թեկնածուն ասել է, որ նախագահ ընտրվելու դեպքում արգելելու է մուսուլմանների մուտքն ԱՄՆ: Նա նաև ասել էր, որ Լոնդոնի որոշ հատվածներում մուսուլմաններն այնքան շատ են, որ անգամ ոստիկաններն են վախենում սեփական կյանքի համար:
Մինչդեռ Լեյբորիստական կուսակցությունը ներկայացնող ու Լոնդոնի պատմության մեջ առաջին մուսուլման քաղաքապետ Սադիք Խանն ասել է, որ իր կրոնական հայացքները թույլ չեն տա, որպեսզի Թրամփի ընտրվելու դեպքում ինքն ԱՄՆ այցելի: