Պատրաստման եղանակ
- Սպիտակուցները դեղնուցներից առանձնացնում ենք։
Հարիչով սպիտակուցներն ամենացածր արագության տակ հարում ենք։ Դանդաղ, գդալ առ գդալ, ավելացնում ենք շաքարավազն ու վանիլինը։ Հարում ենք մինչև պինդ փրփուր ստանանք (8-15 րոպե)։
- Երբ սպիտակուցային զանգվածը սպիտակի և խտանա, շարունակելով հարելը, գդալ առ գդալ կավելացնենք դեղնուցները։
- Ալյուրը մաղում ենք, hարիչն անջատում ենք և ալյուրը աստիճանաբար լցնում ենք սպիտակուցային զանգվածի մեջ` գդալով զգուշորեն վերից-վար շարժումներով խառնելով։
- Ձևամանի տակը կլոր յուղաթուղթ ենք դնում և խմորը տեղափոխում ենք ձևամանի մեջ (21-23 սմ ձևամանը շատ հարմար է)։ Կողքերին յուղաթուղթ չենք դնում։
- Բիսկվիթը 20-25 րոպեով տեղափոխում ենք մինչև 190-200 աստիճան տաքացրած ջեռոցի մեջ։
- Բիսկվիթը թխելու ընթացքում կարևոր է ջեռոցի դուռը չբացել, այլապես խմորը կնստի։ Երբ բիսկվիթն արդեն պատրաստ է, ձևամանից հանում ենք և բիսկվիթը զգուշորեն շրջում ափսեի վրա, յուղաթուղթը հանում ենք և մեկ այլ ամանի օգնությամբ հետ շրջում։ Թողնում ենք սառչի։
- Նշված բաղադրիչներով, եթե 21 սմ տրամագծով ձևամանի մեջ թխենք,կարող ենք հեշտությամբ բիսկվիթը 3 շերտի կիսել։
Հետևելով այս բոլոր խորհուրդներին, բարձր և շատ օդեղեն բիսկվիթ կստանաք, որը կարող եք որպես հիմք օգտագործել` տորթերի և աղանդերների համար:
Նյութի աղբյուր՝ http://www.cooks.am/%D5%A4%D5%A1%D5%BD%D5%A1%D5%AF%D5%A1%D5%B6-%D5%A2%D5%AB%D5%BD%D5%AF%D5%BE%D5%AB%D5%A9/
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
