Եվս մեկ անգամ համոզվեցինք, որ հակառակորդը միայն այդ լեզուն է ընդունում: Մեր հրետանու ավելի քան համարժեք հարվածները ապրիլի 27-28-ի գիշերն այնպես են լռեցրել ադրբեջանական հրետանային կրակակետերը, որ այս գիշեր հարևաններն ի վիճակի չեն եղել կամ գոնե ռիսկ չեն արել հրետանու արկ արձակել՝ կրակելով միայն հրաձգային զինատեսակներից և ականանետներից ու նռնականետներից: Բարեբախտաբար, կորուստներ չունենք:
«Ապրիլի 28-ի լույս 29-ի գիշերը ղարաբաղա-ադրբեջանական հակամարտ զորքերի շփման գծի ողջ երկայնքով հակառակորդը շարունակել է խախտել կրակի դադարեցման պայմանավորվածությունը` կիրառելով տարբեր տրամաչափի հրաձգային զինատեսակներ, ինչպես նաև 60 (19 արկ), 82 (128 արկ), 120 (5 արկ) միլիմետրանոց ականանետեր, ՌՊԳ-7 (2 արկ), ՀՀՆ-9 (2 արկ) ու ՀԱՆ-17 (27 արկ) տիպի նռնականետեր:
ՊԲ առաջապահ ստորաբաժանումները տիրապետում են օպերատիվ-մարտավարական իրադրությանը և շարունակում վստահորեն իրականացնել իրենց առջև դրված մարտական խնդիրը»:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել