Արդեն հիմա կարող ենք արձանագրել, որ ադրբեջանական կողմը՝ իմա ռազմաքաղաքական ղեկավարությունը, կատարելապես ձախողվում է. համենայնդեպս հակառակն ապացուցող որևէ ակնարկ չկա, և ձախողվելու է նաև հետայսու, եթե չհասկանա, որ.
- Լեռնային Ղարաբաղի հակամարտությունը ռազմական լուծում չունի,
- սթափ պետք է գնահատի իրավիճակը և տուրք չտա, այսպես կոչված, "մեծ եղբոր" հրահրող հորդորներին,
- անհրաժեշտ է չվիժեցնի բանակցային գործընթացը և այն տեղափոխի կառուցողական հուն,
- պետք է մեկընդմիշտ հրաժարվի ակնհայտ ահաբեկչական տարրեր պարունակող հռետորաբանությունից և սեփական ժողովրդին պատրաստի երկարատև ու կայուն խաղաղության:
Ես գրում, բայց իհարկե հոգու խորքում համոզված եմ, որ այս քայլերի և սկզբունքների իրագործումը գրեթե անհնար է Ալիևի նման ապաշնորհ և ադեկվատության զգացումը վաղուց կորցրած ղեկավարի պարագայում: Այնպես որ, մեզ այլ բան չի մնում, քան ժամանակ առ ժամանակ ադրբեջանական կողմին կարգի հրավիրել և նրա սանձերը քաշել, ինչը և փայլուն ձևով իրականացնում են մեր զինված ուժերը:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել