Tert.am-ը գրում է.
Հյուսիսային Կորեայի ղեկավար Կիմ Չեն Ընը, ով հայտնի է իր ռազմատենչ հռետորաբանությամբ ու Միացյալ Նահանգների հանդեպ տածած ատելությամբ, շատ հանգիստ ընդունում է այդ երկրից եկող առողջապահական օգնությունը:
 
Նման պնդմամբ է հանդես գալիս The Telegraph պարբերականը, որի փոխանցմամբ՝ ամերիկյան Eugene Bell Foundation ոչ կառավարական կազմակերպությունը Հյուսիսային Կորեայում տուբերկուլյոզի ճգնաժամի հաղթահարման նպատակով այդ երկիր է ուղարկում դեղամիջոցներ:
 
«Մենք ուրախ ենք հայտարարել, որ անկախ Կորեական թերակղզում առկա լարվածությունից՝ մեր ուղարկած դեղամիջոցներն արդեն Հյուսիսային Կորեայում են»,- հայտնել է առողջապահական կազմակերպության ներկայացուցիչ Սթիվեն Լինթոնը:
 
Բրիտանական պարբերականը նկատում է, որ հյուսիսկորեացի բռնապետի ռազմատենչ, կտրուկ  հայտարարությունները խիստ հակասում են ամերիկացիների օգնությունն ընդունելու փաստին։
 
Հայտնի է, որ զարգացած երկրներում գրեթե ամբողջությամբ վերացած տուբերկուլյոզը շարունակում է մահացու վտանգ ներկայացնել բազմաթիվ հյուսիսկորեացիների համար։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել