Հայտնվել է առևանգված ինքնաթիռի ուղևորներից մեկի՝ օդաչուի խցիկի պատուհանից դուրս գալու տեսանյութը (տեսանյութ)

Tert.am-ը գրում է.

Համացանցում հայտնվել է տեսանյութ, որում երևում է, թե ինչպես է EgyptAir ավիաընկերության առևանգված ինքնաթիռում մնացած պատանդներից մեկը փախչում ինքնաթիռից օդաչուի խցիկի պատուհանից, հաղորդում է РИА Новости-ն։

 

Հաղորդվում է, որ ինքնաթիռն առևանգողը դուրս է եկել վեր բարձրացված ձեռքերով և հանձնվել է իշխանություններին:

 

Նա ձերբակալվել է: Բոլոր ուղևորներն ազատ են արձակվել։

 

Առավոտյան հաղորդվել է, որ անհայտ անձն առևանգել է Ալեքսանդրիայից Կահիրե թռչող ուղևորատար ինքնաթիռը: Ավելի ուշ ինքնաթիռը վայրէջք է կատարել Կիպրոսում՝ Լառնակայի օդանավակայանում:ա