Կիտրոնով տորթ մերենգայով

Բաղադրիչներ

Խմորի համար՝

Բաղադրիչները նախատեսված են 21-23 սմ տրամաչափի ձևամանի հաշվարկով։

1. Պատրաստում ենք խմորը։ Ալյուրը, աղը, շաքարավազը և խորանարդաձև կտրատած կարագը (սառը) լցնում ենք բլենդերի մեջ։ Հարում ենք մինչև յուղոտ փշրանք ստանանք։
   
2. Ավելացնում ենք ջուրը և առավելագույնս արագ, խմոր ենք հունցում։ Շատ երկար չի կարելի խմորը հունցել, քանզի կարագը կհալչի։ Խմորը գնդում ենք, սննդային փաթեթով ծածկում և 30-40 րոպեով տեղափոխում սառնարանը։ Խմորը սառնարանից հանում ենք և 2-3 մմ հաստությամբ շերտով գրտնակում ենք։ Խմորը զգուշորեն գրտնակի վրա ենք փաթաթում, որպեսզի տեղափոխենք ձևամանի մեջ։
   
3. Խմորը դնում ենք ձևամանի մեջ և կողքերով դեպի վերև ենք բարձրացնում (ավելի լավ է հանվող ձևաման վերցնել)։
   
4. Խմորը պատառաքաղով ծակծկում ենք, վրան փայլաթիթեղ ենք դնում, իսկ փայլաթիթեղի վրա՝ ծանրություն, օրինակ, լոբի, բրինձ, ոլոռ և այլն։
   
5. Տեղափոխում ենք մինչև 170 աստիճան տաքացրած ջեռոցի մեջ և 12-15 րոպե թխում ենք։ Խմորը ջեռոցից հանում ենք և փայլաթիթեղը վրայից վերցնում ենք։ Պատրաստում ենք միջուկը։ Կիտրոնի կեղևը ացկացնում ենք քերիչով։
   
6. Դեղնուցները թեթևակի խառնիչով հարում ենք։
   
7. Ջուրը, կիտրոնահյութը, կիտրոնի կեղևը, շաքարավազն ու օսլան լցնում ենք կաթսայի մեջ և խառնում ենք։
   
8. Զանգվածը դնում ենք կրակի վրա և անընդհատ խառնելով, հասցնում ենք եռման աստիճանի։ Այդ ընթացքում զանգվածը թանձրանում է։ Կրակի վրայից վերցնում ենք և խառնուրդի կեսը լցնում ենք դեղնուցների վրա` հանգամանորեն խառնիչով խառնելով։ Ստացված զանգվածը լցնում ենք կիտրոնով եփվող կրեմի մյուս մասի մեջ, լավ խառնում ենք և կրկին կրակի վրա ենք դնում։ Հասցնում ենք եռման աստիճանի, 1-2 րոպե անընդհատ խառնելով եփում ենք, որպեսզի զանգվածը թանձրանա, այնուհետև կրակի վրայից վերցնում ենք և ավելացնում կարագը։ Խառնում ենք։ Ստացված զանգվածը լցնում ենք թխված խմորի վրա։
   
9. Մերենգայի համար սպիտակուցները շաքարավազի և վանիլինի հետ հարում ենք, մինչև ստանանք կայուն փրփուր (8-10 րոպե)։
   
10. Մերենգան գդալով կամ հրուշակեղենային պարկով (ձևավոր գլխադիրով) լցնում ենք կիտրոնային միջուկի վրա։ Հետևում ենք, որ մերենգան կպչի խմորով ձևավորած պատերին։
    
11. Տորթը տեղափոխում ենք մինչև 180 աստիճան տաքացրած ջեռոցի մեջ և 8-10 րոպե թխում ենք՝ մինչև մերենգայի վերևամասը ոսկեգույն-շագանակագույն երանգ ստանա։ Տորթը ջեռոցից հանում ենք, սառեցնում մինչև սենյակային ջերմաստիճանի, այնուհետև դնում ենք սառնարանը և ամբողջությամբ սառեցնում ենք։ Մատուցում ենք սառը վիճակում։