Araratnews.am-ը գրում է.
Բելգիայի համերկրային դատախազությունը մեղադրանքներ են առաջադրել ահաբեկչական գործողության մեջ երեք կասկածվողների, եւս մեկ կասկածյալ կալանավորված Է հարցաքննություն անցկացնելու համար, տեղեկացնում Է Արմենպրեսը՝ հղում անելով BBC-ին:
Դատախազության պաշտոնական հայտարարության մեջ ասված Է, որ մեղադրանքներ են առաջադրված Մոհամեդ Բ.-ին, Յասին Ա.-ին եւ Աբուբաքըր Օ.-ին:
«Նրանց մեղադրանքներ են առաջադրված ահաբեկչական խմբավորման գործունեությանը մասնակցելու համար»,-հայտնել Է դատախազությունը:
Բոլոր չորսն Էլ ձերբակալվել են մարտի 27-ին ոստիկանության կողմից իրականացված հատուկ գործողության ընթացքում:
Հաղորդագրության մեջ նշվում Է, որ դատախազությունն առայժմ չի կարող տրամադրել առավել հանգամանալի տեղեկատվություն: Նաեւ չի ճշտվում՝ նրանց առաջադրված մեղադրանքները կապված են արդյոք Բրյուսելում իրականացված պայթյունների հետ:
Անցած շաբաթվա վերջին բելգիական դատախազությունն ահաբեկչական գործունեության մեղադրանքներ Է առաջադրել երեք անձանց, որոնցից մեկը կասկածվում Է մարտի 22-ին Բրյուսելում կատարված ահաբեկչական գործողություններին մասնակցելու մեջ:
Բելգիական ԶԼՄ-ների տեղեկատվությամբ՝ ձերբակալված կասկածյալը Ֆեյսալ Շեֆուն Է, ով հենց այն մարդն Է, որը Բրյուսելի օդանավակայանի տեսահսկման խցիկի լուսանկարում գտնվում Է մահապարտներ Բրահիմ Բաքրաուիի եւ Նաջիմ Լաշրաուիի կողքին: