10 հետաքրքիր փաստ Մալայզիայի մասին

Արեւելքի ամենագեղեցիկ ու հարուստ երկրներից մեկը:

1. Համարվում է, որ երկրի անվան հիմքում ընկած է սանսկրիտերեն Malaiur (կամ Malayadvipa) բառը, որը թարգմանաբար նշանակում է «լեռնային երկիր»: Առաջին եվրոպացիները, որ երեւացել են Մալայզիայում, եղել են պորտուգալացիները: Նախկինում այս երկիրը եղել է Մեծ Բրիտանիայի գաղութը, անկախություն է ստացել միայն 1957թ.:
2. Մալայզիայի բնակչության 50%-ը կազմում են մալայացիները, 35%-ը` չինացիները, 15%-ը` հնդիկները: Երկրի բնակչության մոտ 60%-ը իսլամի հետեւորդ է, սակայն տարածված են նաեւ քրիստոնեությունը, բուդդիզմը, հինդուիզմը եւ այլն: Մալայզիայի ժողովուրդները ապրում են համերաշխ ու խաղաղ եւ հարգանքով են վերաբերում այլադավաններին:
3. Մալայզիայի գերագույն ղեկավարը սուլթանն է (թագավորը), երկրում հաստատված է սահմանադրական միապետություն:
4. Երկրի մայրաքաղաքը Կուալա-Լամպուրն է, որտեղ ապրում է մոտ 1,8 մլն. մարդ: Գեղեցիկ, մաքուր ու անվտանգ քաղաք է, որը հիմնադրվել է 1857թ.:
5. Պետական լեզուն երկրում մալայերենն է, շատ տարածված է նաեւ անգլերենը: Միջնակարգ ուսումը Մալայզիայում անվճար է, իսկ բարձրագույն կրթություն կարելի է ստանալ կրեդիտային համակարգով՝ անվճար սովորել համալսարանում, իսկ ավարտելուց հետո աշխատել եւ պարտքը վերադարձնել պետությանը:
6. Մալայզիական Սարավակ նահանգում գրեթե մեկ դար իշխում էր «սպիտակ ռաջաների» տոհմը, որի հիմնադիրն էր անգլիացի Ջեյմս Բրուքը: Նա 1842թ. Բրունեյի սուլթանից ստացել էր Սարավակի ռաջայի տիտղոս: Բրուքն է հիմնադրել Սարավակի գլխավոր քաղաք Կուչինգը:
7. Մայրցամաքից Պենանգ կղզի ձգվող կամրջի երկարությունը կազմում է 13,7 կմ: Այն իր երկարությամբ երրորդն է Ասիայում:
8. Մալայական Սիպադան կղզին համարվում է աշխարհի ամենահայտնի վայրերից մեկը դայվինգի (ստորջրյա լողի) համար:
9. Մալայզիայում է գտնվել աշխարհի ամենամեծ՝ արքայական կոբրան, որի երկարությունը կազմում էր 5մ 7սմ:

  10.Մալայական խոհանոցը նման է հնդկական, չինական, թաիլանդական խոհանոցներին, նրա հիմնական բաղադրիչներն են բրինձը, միսը, բանջարեղենները եւ այլն:

    Մեկնաբանություններում գրեք, թե արեւելյան ո՞ր երկրներին խորհուրդ կտայիք անդրադառնալ: