Շոտլանդիայում մուսուլմանն սպանվել է քրիստոնյաների Զատիկը շնորհավորելու պատճառով

168.am-ը գրում է.

Շոտլանդիայի Գլազգո քաղաքում տեղի է ունեցել սպանված մուսուլմանի հուղարկավորության զանգվածային արարողությունը, որի վրա հարձակումը, ըստ ոստիկանների, իրականացվել է կրոնական մոտիվներով, հայտնում է korrespondent.net-ը:

Նախօրեին 40-ամյա խանութի սեփականատեր Ասադ Շահը սոցցանցի իր էջում շնորհավորել էր քրիստոնյաների Սուրբ Զատիկը (կաթոլիկներն ու բողոքականները տոնը նշում են մարտի 27-ին), նույն օրը նրան հայտնաբերել էին արդեն դանակի բազմաթիվ հարվածներ ստացած:

Տղամարդն ավելի ուշ ստացած վնասվածքներից մահացել էր հիվանդանոցում:
Ոստիկանությունը հայտնել է, որ սպանությունը կատարելու կասկածով կալանավորվել է 32-ամյա մի մուսուլման: