ԴԱԻՇ ահաբեկչական կազմակերպության գրոհայինները Մոսուլում հրդեհում են նավթային հորերն այն բանից հետո, երբ իրաքյան բանակը քրդական ռազմականացված ստորաբաժանումների հետ սկսել է քաղաքի ազատագրմանն ուղղված լայնածավալ գործողություն իրականացնել։ Այս մասին հայտնել է Իրաքի ՊՆ-ն՝ փոխանցում է Trend գործակալությունը։

Երեկ իրաքյան բանակը սկսել էր ռազմավարական նշանակություն ունեցող Մոսուլ քաղաքի՝ ԴԱԻՇ-ից ազատագրման լայնածավալ ռազմական գործողությունները։

Քաղաքի ազատագրման գործողությունը կրում է «Ֆեթիհ» ծածկանունը, ինչն արաբերենից թարգմանաբար նշանակում է «նվաճում»։

Երեկ արդեն բանակին հաջողվել էր ազատագրել քաղաքի մի քանի բնակավայրեր։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել