Barometer.am-ը գրում է.
Վրաստանի նախագահ Գեորգի Մարգվելաշվիլին երեքշաբթի փրկել է կողաշրջված մեքենայում հայտնված հղի կնոջը, փոխանցում է "Գրուզիա օնլայն"-ը։
Ականատեսներից ռեժիսոր Գիգի Քիթիան ֆեյսբուքյան իր էջում գրել է, որ ինքն անձամբ է տեսել, թե ինչպես է նախագահը մեքենայի միջից դուրս հանում կնոջը.
"Ես սարսափելի վթարի ականատես եմ եղել։ Կողաշրջված մեքենայից հղի կնոջն օգնել է հանել նախագահը, ով պատահաբար այդ ամենի ականատեսն էր դարձել։ Նախագահը փորձում էր գործի դնել մեքենայից հանած կրակմարիչը: Վթարը տեղի է ունեցել գազալցակայանի մոտ, և չնայած վտանգի աստիճանին՝ նախագահը չի շրջանցել այն",- գրել է նա։
Քիթիայի խոսքով՝ մեքենայի վարորդին տեղափոխել են հիվանդանոց՝ չսպասելով շտապօգնության ժամանմանը։ Եվս մեկ մարդ, ով նստել է վարորդի կողքին, մեծապես տուժել է վթարից։
