Tert.am-ը գրում է.

Բելգիայի ոստիկանությունը պարզել է այսօր առավոտյան Բրյուսելում իրականացված ահաբեկչության կազմակերպման 3 կասկածյալների ինքնությունը:  ТАСС գործակալության  փոխանցմամբ` այս մասին հաղորդել է թագավորության դաշնային դատախազ Ֆրեդերիկ Վան Լևը:

«Նրանցից երկուսը մեծ հավանականությամբ զոհվել են, մեկը փնտրվում է»,- մասնավորեցրել է բելգիացի դատախազը:

Նրա խոսքով` դեռ վաղ է խոսել Բելգիայի մայրաքաղաքում այսօր տեղի ունեցած պայթյունների և 2015-ի նոյեմբերին Փարիզի ահաբեկչության կապի մասին:

Ներկա պահին ստուգվում է «Իսլամական պետության» ներգրավվածությունը Բրյուսելի ահաբեկչության գործում, որի պատասխանատվությունն արդեն ստանձնել է ահաբեկչական խմբավորումը:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել