Tert.am-ը գրում է.
14.00 Reuters գործակալությունը հաղորդում է, որ Ստամբուլի կենտրոնում պայթյունն իրականացրել է մահապարտ ահաբեկիչը: Գործակալության հաղորդմամբ՝ Ստամբուլի երկնքում պտտվում են ոստիկանական ուղղաթիռները:
Գործակալությունը հայտնում է նաև, որ հեռուստատեսային կադրերում երևում է, թե ինչպես են մարդիկ փախչում տարածքից:
Ստամբուլի կենտրոնական փողոցներից մեկում պայթյուն է տեղի ունեցել, կան զոհեր ու վիրավորներ, հայտնում է «Ֆրանս պրես» գործակալությունը։
Գործակալության տվյալներով՝ պայթյունը տեղի է ունեցել Բեյօղլու թաղամասում՝ Իսթիքլյալ փողոցում, որտեղ շատ են լինում զբոսաշրջիկները։ Դեպքի վայր են մեկնում շտապօգնության մեքենաները։ Պատճառները դեռ հայտնի չեն։
Դեպքի վայրը շրջափակված է ոստիկաններով, հայտնում է թուրքական NTV հեռուստաալիքը։
Ավելի ուշ հայտնի է դարձել, որ մահացել է 2 մարդ, վիրավորվել՝ 7-ը։
