Tert.am-ը գրում է.
Լոնդոնի «Արսենալի» նախկին հարձակվող Ջոն Հարթսոնը չի հավատում իր թիմի հաղթանակին կատալոնական «Բարսելոնայի» դեմ Չեմպիոնների լիգայի 1/8 եզրափակչի պատասխան խաղում:

«Արսենալը» շանս չունի. նույնիսկ եթե դաշտում լիներ «զինագործների» 16 ֆուտբոլիստներ, նրանք դուրս չէին գա քառորդ եզրափակիչ:

Մտադիր չեմ անհարգալից լինել Վենգերի թիմի նկատմամբ, սակայն մրցակիցը չափազանց ուժեղ է: Իհարկե, կցանկանայի, որպեսզի «Արսենալը» հակառակն ապացուցեր: Սիրում եմ ակումբը, սիրում եմ Արսեն Վենգերին: Հանդես եմ եկել նրա ղեկավարությամբ, երբ նա գլխավորեց լոնդոնցիներին, եւ անընդհատ խոսում եմ նրա հետ:


Սակայն հանդիպման այլ ելքը քիչ հավանական է: Եթե «Արսենալին» հաջողվի դուրս գալ քառորդ եզրափակիչ, ապա դա կլինի մրցաշարի պատմության գլխավոր սենսացիան: Չեմ պատրաստվում գումար ծախսել ու խաղադրույք կատարել «զինագործների» վրա»,- Հարթսոնի խոսքը մեջբերում է «BBC»-ն:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել