Թուրքական Posta թերթի փոխանցմամբ՝ Գերմանիան իր քաղաքացիներին կոչ է արել լքել Թուրքիան՝ կապված այդ երկրում նոր ահաբեկչությունների սպառնալիքի հետ։ Այդ մասին նշված է Թուրքիայում Գերմանիայի դեսպանատան տարածած հայտարարությունում։
Հայտարարությունում Գերմանիայի կառավարությունը մտավախություն է հայտնում Թուրքիայում գտնվող իր քաղաքացիների կյանքի համար։ Մարտի 14-ին Գերմանիայի ԱԳՆ-ն երկրի քաղաքացիներին կոչ էր արել զերծ մնալ Թուրքիա այցելելուց։ Բացի դրանից՝ Գերմանիայի ԱԳՆ-ն Թուրքիայում գտնվող իր քաղաքացիներին կոչ էր արել խուսափել մարդաշատ վայրերում հայտնվելուց։
Հիշեցնենք, որ Թուրքիայում օտարազգի զբոսաշրջիկների թվում առաջին հորիզոնականը զբաղեցնում են Գերմանիայից, իսկ երկրորդ տեղը՝ Ռուսաստանից ժամանող զբոսաշրջիկները։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել