Araratnews.am-ը գրում է.
Գերմանիայի կանցլեր Անգելա Մերկելը մարտի 14-ին հայտնել է, որ մտադիր չէ փոխել միգրացիոն քաղաքականությունը, չնայած տեղական ընտրությունների արդյունքներին: Սաքսոնիա-Անհալտում, Բադեն-Վյուրստեմբերգում եւ Ռեյնալդ-Պֆալցում ընտրությունները նա կոչել է Քրիստոնյա-դեմոկրատական միության (ՔԴՄ) «ծանր օր», գրում է DW-ն:
Այնուամենայնիվ, կառավարության ղեկավարը հայտնել է, որ քվեարկության արդյունքներում «էական խնդիր է տեսնում»: Նրա խոսքով, Բեռլինը հավատարիմ կմնա միգրացիոն գործընթացում իր ընտրած ուղուն: Միաժամանակ Մերկելը հանդես է եկել հօգուտ փախստականների խնդրի համաեվրոպական լուծման:
Պաշտոնական նախնական արդյունքների համաձայն, Բադեն-Վյուրստեմբերգ դաշնային երկրամասի ընտրություններում հաղթել են «կանաչները»` հավաքելով ձայների 30,3 տոկոսը (47 տեղ երկրամասի խորհրդարանում): Ռեյնալդ-Պֆալցում ձայների փոքր քանակություն է հավաքել Գերմանիայի Սոցիալ-դեմոկրատական կուսակցությունը (ԳՍԴԿ) 36,2 տոկոս արդյունքով (40 տեղ խորհրդարանում): Սաքսոնիա-Անհալտում, հաղթել է Մերկելի կուսակցությունը` հավաքելով ընտրողների ձայների 29,8 տոկոսը (30 տեղ խորհրդարանում):
Երեք երկրամասում էլ երկնիշ արդյունքով խորհրդարան է մտել «Այլընտրանք Գերմանիայի համար» (ԱԳհ) կուսակցությունը, որը հանդես է գալիս դաշնային կառավարության միգրացիոն քաղաքականության դեմ: