Միսուրի քաղաքի 32-ամյա բնակչուհին Elkins High School-ում դասի ժամին իրեն վատ է զգացել: Նա այդ դպրոցում աշխատում էր որպես ուսուցչուհի: Նույն դպրոցում էր աշխատում նաև նրա ամուսինը՝ Նաթանը:
Զույգը երեխայի էր սպասում՝ Էրիկան պետք է ծնվեր 3 շաբաթ հետո:
«Երբ ես դասարան մտա, կինս ընկած էրև հատակին, նրա բերանը փրփրակալել էր, նա խեղդվում էր: Որոշ ժամանակ անց նա կորցրեց գիտակցությունը»,- պատմում է Նաթանը:
Կնոջը շտապօգնության մեքենայով արագ տեղափոխել են հիվանդանոց: Բժիշկները ամեն ինչ անում էին, որ կնոջ սիրտը սկսի նորից բաբախել, սակայն երբ կնոջը հասցրել են հիվանդանոց, նրա սրտի աշխատանքը կանգ էր առել:
Բժիշկներին հաջողվել է փրկել երեխայի կյանքը՝ կատարելով կեսարյան հատում: Ի զարմանս բժիշկների՝ լույս աշխարհ է եկել առողջ աղջիկ:
«Երեխան ծնվեց, երբ մոր սիրտը չէր բաբախում: Փաստացի կինը մեռած էր: Մենք հույս էլ չունեինք նրան փրկել»,- պատմել է մանկաբաձներից մեկը:
Երեխայի ծննդից հետո բժիշկներին սպասվում էր նաև երկրորդ անակնկալը. կնոջ սիրտը սկսել է կրկին բաբախել:
