Բաքուն հրաժարվել է աշխարհի առաջնությունից

168.am-ը գրում է.

Առագաստանավային սպորտի «470» դասի առագաստանավերի աշխարհի առաջնությունը, որը ծրագրվել էր անցկացնել այս տարի ամռանը Ադրբեջանում, կանցկացվի ուրիշ երկրում:

Այս մասին հայտնում է azerisport.com լրատվական կայքը` նշելով, որ Ադրբեջանի առագաստանավային սպորտի ֆեդերացիան ոչ բավարար ֆինանսավորման պատճառով հրաժարվել է Բաքվում աշխարհի առաջնության անցկացումից:

Բաքվում աշխարհի առաջնության անցկացման մասին որոշումն ընդունվել էր 2015 թվականին Աթենքում առագաստանավային սպորտի միջազգային ֆեդերացիայի գլխավոր խորհրդի նիստում:

Սպորտի այդ տեսակը հանդիսանում է օլիմպիական եւ 1970 թվականից այդ սպորտաձեւով աշխարհի առաջնություններ են անցկացվում: