Մահացել է էլեկտրոնային փոստի գյուտարար Ռեյ Թոմլինսոնը

Ծրագրավորող Ռեյ Թոմլինսոնը, ում համարում են էլեկտրոնային փոստի գյուտարար, մահացել է կյանքի 75-րդ տարում ԱՄՆ-ում:

Ինչպես հայտնում է BBC-ն, տարեց տղամարդը մահացել է դեռ անցած շաբաթ, սակայն այդ մասին միայն այսօր է հայտնի դարձել: Նրա մահվան պատճառը դարձել է ինֆարկտը:

Էլեկտրոնային նամակների գաղափարը, որը մի ցանցից հնարավոր էր ուղարկել մյուսին, նա հղացավ 1971թ.: Այդ ժամանակ նա ինժեներ էր աշխատում Բոստոնի հետազոտական Bolt, Beranek ու Newman ընկերությունում: