Հյուսիսային Կորեան Հարավային Կորեային ու ԱՄՆ-ին սպառնացել է հնարավոր միջուկային հարվածներով, եթե այդ երկրներն այս շաբաթ անցկացնեն ծրագրված զորավարժությունները։ Այս մասին հայտնում է BBC-ն։
Փխենյանը հայտարարել է, որ դիտարկում է զորավարժությունները որպես Հյուսիսային Կորեայի ինքնիշխանության խախտման ակնհայտ փորձ։
Նախկինում ևս հյուսիսկորեական իշխանություններն արդեն տվել են համանման նախազգուշացումներ։
ԱՄՆ-ի և Հարավային Կորեայի խոշորագույն համատեղ զորավարժություններին կմասնակցեն 300 հազար հարավկորեացի և 15 հազար ամերիկացի զինվորականներ։
Թերակղզում լարվածությունն աճել է այն բանից հետո, երբ հունվարին Հյուսիսային Կորեան միջուկային փորձարկում անցկացրեց, ինչպես նաև գործողության մեծ շառավղով հրթիռ փորձարկեց՝ ուղեծիր արբանյակ դուրս բերելու պատրվակով:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
