ԱՄՆ-ում ձերբակալել են ոստիկանական ուղղաթիռի օդաչուին լազերով կուրացրած երկու հայի

Սակրամենտոյի (Կորդովա Ռանչո,Կալիֆոռնիա) երկու ամերիկահայեր՝ Հայկ Քուրդօղլանյանն ու Արտյոմ Սարգսյանը, ձերբակալվել են ճանապարհային ոստիկանության աշխատակիցների համար ծառայողական պարտականությունները կատարելիս արգելքներ ստեղծելու կասկածանքով։ Այս մասին հայտնում է slavicsac.com-ը։

Ինչպես այսօր հայտնել է Սակրամենտոյի շերիֆի օկրուգի մամուլի կենտրոնը, 25-ամյա Հայկին ու 34-ամյա Արտյոմին ձերբակալել են փետրվարի 28-ին՝ երկրից լազերի ճառագայթով օդաչուին լազերով կուրացնելու փորձից հետո:

Կասկածյալների մոտ հայտնաբերվել է հզոր լազերային սարք։ Նրանց քրեական պատասխանատվություն է սպասվում:

Fox News-ը հայտնում է, որ կասկածյալներին գրավի դիմաց ազատ են արձակել։