Էն որ անընդհատ գրում են՝ «10 գիրք ինքնազարգացման համար», կամ «10 գիրք, որոնք պարտադիր պետք է կարդալ», ինչպես միշտ, պտտվում են ճշմարտության շուրջ, բայց դրան չեն հասնում:
Ճշմարտությունն այն է, որ պարտադիր է ոչ թե կարդալը, այլ պարտադիր է ինչ-որ բաներ հասկանալը:
Մեր գլխավոր խնդիրն այն չէ, որ գիրք չենք կարդում: Մեր խնդիրներն առաջանում են նրանից, որ կարևոր ինչ-որ բաներ չենք հասկանում: Չենք հասկանում այնքան խորապես, որ պատկերացնենք դրանց կարևորությունը, արդիականությունը և այլն:
Ի վերջո, մեր կյանքը նախաքաղաքակրթական է, որովհետև առավելապես մշակութային է, որովհետև մենք վերարտադրում ենք մտածողության և վարքի ինչ-որ նորմեր և ավանդույթներ՝ առանց հասկանալու դրանց օգուտն ու վնասը, արդիականությունը կամ ժամանակավրեպ լինելը: Դա հաղթահարելու համար պետք է սկսել հասկանալ: Եվ գործել՝ համապատասխան:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել