Մեզնից շատերը Facebook-ում ունեն մեծաքանակ ընկերներ, ովքեր խաղեր են խաղում և օգտվում տարբեր հավելվածներից: Դրանք առաջ են բերում բազմաթիվ ավտոմատ ծանուցումներ: Եթե Ձեզ չի հետաքրքրում լրահոսում տեսնել, որ ինչ-որ մեկը դարձել է 15-րդ մակարդակի էլֆ, և ցանկանում եք ազատվել բազում ծանուցումներից և հրավերներից, ապա MyPage.am-ի այս հոդվածը հենց Ձեզ համար է: Եկել է նյարդայնացնող ծանուցումներից ազատվելու օրը:
1. Մուտք գործեք Ձեր անձնական հաշիվ, ապա անցեք այս հղումով (www.facebook.com/games/activity/:
2. Այս էջում Դուք կտեսնեք Ձեր ընկերների կողմից ուղարկված բոլոր հրավերները:
3. Ուսումնասիրեք ցուցակը և գտեք այն հավելվածներն ու խաղերը, որոնց ծանուցումներից ցանկանում եք ազատվել:
4. Սեղմեք անցանկալի ծրագրի կողքին գտնվող խաչիկին, և Ձեր առջև կհայտնվի երկու տարբերակ: Առաջինն արգելափակում է տվյալ խաղից կամ հավելվածից բոլոր ծանուցումները, երկրորդը՝ տվյալ օգտատիրոջ բոլոր ծանուցումները:
5. Ընտրեք անհրաժեշտ գործողությունն ու երբեք էլ չեք նյարդայնանա, երբ ինչ-որ մեկն առաջարկի Ձեզ տեսնել, թե ինչ է լինելու Ձեր ապագա սիրեցյալի անունը, կամ երբ եք մահանալու:
