Ձեզ ենք ներկայացնում վերջին հետազոտությունները մկանները հզորացնող, կնճիռները վերացնող, սիրտը ամրապնդող, ոսկրերը պաշտպանող, իմունային համակարգը բարելավող եւ բորբոքային հիվանդությունների դեմ պայքարող սննդատեսակների մասին, որոնք խորհուրդ է տրվում օգտագործել ամեն օր:
մաս 1-ը տես այստեղ
 |
21. Խնձոր Օրական մի խնձոր օգտագործելը նվազեցնում է տարբեր տեսակի ուռուցքների հավանականությունը շնորհիվ կվերցետին ֆլավոնոիդի, որը կարելի է գտնել նաեւ կարմիր սոխի կեղեւի մեջ: Կվերցետինը նվազեցնում է ալերգիաների, սրտի կաթվածի եւ Անցհեյմերի, Պարկինսոնի հիվանդության ռիսկը, ինչպես նաեւ շագանակագեղձի եւ թոքերի քաղցկեղի ռիսկը: Եթե ընտրության հնարավորություն ունեք, օգտագործեք կարմիր քաղցր խնձորներ: Դրանք պարունակում են ամենամեծ քանակությամբ հակաբորբոքային հակաօքսիդիչներ: |
 |
22. Ալյասկայի խաչափառ Շատ սպիտակուց եւ քիչ խոլեստերին պարունակող խաչափառի քաղցր միսը պարունակում է ցինկ (մի չափաբաժնում (3.5 ունցիա=28.3 գրամ) 7 միլիգրամ ցինկ): Ցինկն հակաօքսիդիչ է, բայց որ ավելի կարեւոր է, այն օգնում է ապահովել առողջ կմախքային եւ իմունային համակարգ: |
 |
23. Նուռ Բիբլիական հատիկավոր մրգի հյութը կարող է նվազեցնել քաղցկեղի շատ տեսակների հավանականությունը էլեգիտանին կոչվող պոլիֆենոլների շնորհիվ, որոնք եւ մրգին տալիս են այդ գույնը: Իրականում, վերջին հետազոտությունը Լոս Անջելոսի Կալիֆորնիական Ինստիտուտում վկայում է, որ նռան հյութը 6 անգամ դանդաղեցնում է շագանակագեղձի քաղցկեղի բջիջների զարգացման գործընթացը: |
 |
24. Պեկինյան կաղամբ «Պեկինյան կաղամբը հարուստ է ոսկրակառուցողական կալցիումով, ինչպես նաեւ վիտամին A-ով եւ C-ով, ֆոլաթթվով, երկաթով, բետա կարոտինով եւ կալիումով», - ասում է աստղերի մարզիչ Տեդի Բասը: Կալիումը պահպանում է ձեր մկանները եւ նյարդերը՝ իջեցնելով արյան ճնշումը: Հետազոտությունը ցույց է տալիս, որ բետա-կարոտինը կարող է նվազեցնել թոքերի եւ միզապարկի քաղցկեղի ռիսկը, ինչպես նաեւ ցանցաթաղանթի դիստրոֆիան: |
 |
25. Ոստրե Ոստրեն, ընդհանուր առմամբ, ցինկի, կալցիումի, պղնձի, յոդի, երկաթի, կալիումի եւ սելենի հրաշալի աղբյուր է: «Միայն յուղալի միսն է, որ տեստոստերոնի մակարդակը բարձրացնելու եւ շագանակագեղձի քաղցկեղից պաշպանելու հատկություն չունի», - ասում է Բասսը: |
 |
26. Բրոկոլի
Մի բաժակ բրոկոլին պարունակում է կալցիումի մեծ քանակություն, ինչպես նաեւ մանգան, կալիում, ֆոսֆոր, մագնեզիում եւ երկաթ: Եվ դա ի հավելում նրա, որ վիտամինների մեծ կենտրոնացում կա՝ A, C եւ K, բուսական օգանիզմներում պարունակվող սուլֆորաֆան: Ըստ Ջոն Հոպքինսի Համալսարանի հետազոտության՝ այն ունի հզոր հակաքաղցկեղային հատկություններ: |
 |
27. Կիվի Այս թավշյա միրգն էլ, ինչպես բանանը, հարուստ է ոսկրերը պաշտպանող կալիումով: «Դրանք նաեւ հարուստ են վիտամին C-ով եւ լուտեինով, կարոտինոիդներով, որը կարող է օգնել նվազեցնել սրտի հիվանդության ռիսկը», - ասում է Բովերմենը: -Ես փորձում եմ ուտել շաբաթը առնվազն մեկ կամ երկու անգամ մարզումներից հետո»: Սառեցրեք դրանք թարմեցնող էներգետիկ էֆեկտ ապահովելու համար, բայց մի կլպեք կեղեւը՝ այն ուտելի է եւ հարուստ սննդանյութերով: |
 |
28. Ձիթապտղի յուղ Մաքուր տեսակը հարուստ է օգտակար մոնոչհագեցած Ճարպերով: «Ճարպաթթուներն ու պոլիֆենոլները նվազեցնում են բջիջների եւ հոդերի բորբոքումները», - ասում է Գիրգերը: Ըստ «Nature» ամսագրի կատարած հետազոտության՝ բորբոքումը նվազեցնելու գործում այն նույնքան արդյունավետ է, որքան ադվիլը: «Խմեք 2 թեյի գդալ ամեն օր», - ասում է Բովերմենը: |
 |
29. Կանաչ սոխ «Կանաչ սոխը կարող է խթանել սեռական գործունեությանը եւ նվազեցնել շականակագեղձի քաղցկեղի ռիսկը», - ասում է Մայքլ Դենզինգերը՝ բժշկական գիտությունների դոկտոր, բժշկության պրոֆեսորի օգնական եւ գիրության բաժնի գիտաշխատող Բոստոնում՝ Նոր Անգլիայի Բժշկական Կենտրոնում: «Բարակ կտրտեք միջին չափսի կանաչ սոխի կանաչ մասը, ավելացրեք այն ապուրներին եւ սալաթներին ինչքան հնարավոր է հաճախ»: Այս սխտորի եւ սոխի ազգակիցը նույնպես լի է ոսկրերն ամրապնդող թիամինով, ռիբոֆլավինով, կալցիումով եւ կալիումով եւ նաեւ ֆոլաթթվով, B վիտամինով, որն ըստ հետազոտությունների նվազեցնում է զարկերակները վնասող հոմոցիստեին ամինաթթվի քանակությունը արյան մեջ: |
 |
30. Արտիճոկ Դարեր շարունակ հայտնի լինելով որպես աֆրոդիզիակ՝ այս թաղանթանյութով հարուստ բույսը պարունակում է ավելի շատ ոսկրերն ամրապնդող մագնեզիում եւ կալիում, քան ցանկացած այլ բանջարեղեն: Դրա տերեւները եւս հարուստ են ֆլավոնոիդներով և պոլիֆենոլներով՝ անտիօքսիդիչներ, որոնք կարող են կրճատել ինսուլտի ռիսկը, եւ C վիտամին, որն օգնում է պահպանել իմունային համակարգը: «Կերեք ինչքան հնարավոր է շատ», - ասում է Բովերմանը: Հասածները տեսքից ծանր են թվում եւ սեղմելուց ճռռում են: |
 |
31. Կծու պղպեղ «Կծու պղպեղը խթանում է նյութափոխանակությունը, հանդես է գալիս որպես արյան բնական խտացնող եւ օգնում է էնդորֆինների սինթեզին», - ասում է Պիտերսոնը: Ավելին, այն սննդին բուրմունք փոխանցելու հոյակապ միջոց է առանց ճարպի կամ կալորիայի բովանդակությունը սննդում բարձրացնելու: Կծու պղպեղը նաեւ հարուստ է բետա-կարոտինով, որը արյան մեջ վերածվում է A վիտամինի եւ պայքարում վարակների դեմ, ինչպես նաեւ պարունակում է կապսաիցին, որը վերացնում է նեյրոպեպտիդները (բորբոքում առաջացնող քիմիական նյութերը): Վերջերս «Cancer Research» ամսագրի կողմից իրականացրած հետազոտության արդյունքում պարզ դարձավ, որ շատ կծու պղպեղը օժտված է նույնիսկ շագանակագեղձի քաղցկեղի դեմ պայքարելու հատկությամբ: Սրան կարելի է հասնել օգտագործելով օրական կես կծու պղպեղ կամ 1 թեյի գդալ կծու պղպեղի փոշի: |
 |
32. Կոճապղպեղ Կոճապղպեղը, որը ասիական ճաշատեսակների հիասքանչ հավելում է, հակառակ տարածված համոզմանը՝ ոչ թե արմատ է, այլ ցողուն: Սա նշանակում է, որ այն պարունակում է ակտիվ բաղադրամասեր, որոնք կարող են բարելավել ձեր առողջությունը: Դրանցից ամենագլխավորը գինգերոլն է, որը հանդիսանում է քաղցկեղը ճնշող: Հետազոտությունները ցույց են տվել, որ այն մասնավորապես արդյունավետ է հաստ աղիքի քաղցկեղի դեպքում: Մանր կտրատեք կոճապղպեղը կամ թարմ կոճապղպեղը աղացեք եւ ավելացրեք սոյայի-մարինացված ձկան կամ հավի մսին որքան հնարավոր է հաճախ: Ինչքան շատ օգտագործեք ձեր ուտեստների մեջ, այնքան լավ: |
 |
33. Դարչին Հաճախ օգտագործվում է աղանդերն ավելի քաղցր, իսկ հնդկական ուտելիքն ավելի բաղադրյալ դարձնելու համար: Դարչինը հարուստ է հակաօքսիդիչներով, որոնք կասեցնում են արյան մակարդումը եւ բակտերիաների աճը (այդ թվում բերանի վատ հոտի դեպքում): «Ուսումնասիրությունները ցույց են տալիս, որ այն նաեւ կարող է կայունացնել արյան շաքարի մակարդակը՝ նվազեցնելով երկրորդ տեսակի շաքարախտը», – ասում է դիետոլոգ Նենսի Կլարքը, ով «Sports Nutrition» ուղեցույց-գրքի հեղինակն է: «Ավելին, այն կարող է օգնել «վատ խոլեստերինի» նվազմանը: Փորձեք օգտագործել այն մի թեյի գդալի տեսքով ամեն օր մածունի կամ վարսակի շիլայիի հետ»: |
 |
34. Հավկիթ Ըստ միջազգային «Obesity» ամսագրի ուսումնասիրության՝ նրանք, ովքեր ձու են ուտում նախաճաշին, 65 տոկոս ավել քաշ են կորցնում, քան նրանք, ովքեր նախաճաշին օգտագործում են նույն կալորիականությամբ այլ սնունդ: Կերեք նաեւ դեղնուցը: Վերջին հետազոտությունները ցույց են տվել, որ դեղնուցի ճարպը կարեւոր է հագեցվածության զգացողություն ապահովելու համար: Հավկիթի հանքային աղերի եւ սննդանյութերի օգտակար հատկությունները գերազանցում են նրա խոլեստերինի ազդեցությանը: |
 |
35. Թուզ «Պարունակում է կալիում, մանգան եւ հակաօքսիդիչ: Այս միրգը նաեւ օգնում է pH-ի նորմալ մակարդակի պահպանումն օրգանիզմում՝ ավելի դժվար դարձնելով ախտածինների ներթափանցումը», – նշում է Պիտերսոնը: Ավելին, թզի մեջ պարունակվող թաղանթանյութը նվազեցնում է ինսուլինի եւ արյան շաքարի մակարդակը՝ նվազեցնելով շաքարախտի եւ մետաբոլիկ սինդրոմի ռիսկը: Ընտրեք մուգ թզեր (դրանք ավելի շատ սննդանյութեր են պարունակում) եւ կերեք դրանք առանձին կամ ավելացրեք այլ մրգային խառնուրդներին: |
 |
36. Տավարի միս Սպիտակուցը անփոխարինելի է, երբ խոսքը գնում է մկանների կառուցման մասին: Խնդիրը խանութից գնված մսի մեջ այն է, որ խոշոր եղջերավոր անասունների մեծամասնությանը կերակրում են հացահատիկով, որը նրանց մսին հաղորդում է օմեգա-6 օմեգա-3 ճարպաթթուների մեծ քանակություն, որն իր հերթին նպաստում է բորբոքման պրոցեսների ի հայտ գալուն: Իսկ խոտով սնված խոշոր եղջերավորների մսում ճարպաթթուները վերածվում են օմեգա-3 տարբերակի: Այսպիսի տավարի միսը պարունակում է կոնյուգացված լինոլեինաթթու, եւ հետազոտությունները ցույց են տվել, որ դրանք օգնում են որովայնի ճարպերը նվազեցնելուն եւ մկաններն ամրապնդելուն: |
 |
37. Սունկ Համեղ է, երբ ավելացվում է շագանակագույն բրնձին: Ռեյկի, շիտակի եւ մայտակե սնկերը հարուստ են անտիօքսիդիչ էրգոթիոնինով, որը պաշտպանում է բջիջներին ոչ նորմալ աճից եւ բաժանումից: «Կարճ ասած, դրանք նվազեցնում են քաղցկեղի հավանականությունը», - ասում է Բովերմենը, ով խորհուրդ է տալիս օգտագործել այն շաբաթական մի կամ երկու անգամ: «Եփելով դրանք կարմիր գինով, որը պարունակում է ռեզվերատրոլ, մեծացնում եք դրա իմունային համակարգը հզորացնելու հատկությունը»: |
 |
38. Արքայախնձոր «Ակտիվ գործող վիտամինների, հակաօքսիդիչների եւ ֆերմենտերի, մասնավորապես բրոմելայնի, խառնուրդով հարուստ արքայախնձորը կարող է հանդես գալ որպես հակաբորբոքային կոկտեյլ ամբողջ մարմնի համար: Այն պաշտպանում է հաստ աղիքի քաղցկեղից, արթրիտից եւ մակուլոդիստրոֆիայից (աչքի դեղին բծի դեգեներացիա)», -ասում է Գրիգերը: Խմեք կես բաժակ արքայախնձորի հյութ շաբաթական երկու կամ երեք անգամ: |
 |
39.Մրգային կամ բանջարեղենային հյութ «Պատրաստեք մի բաժակ օգտակար հյութ: 2006 թվականի Հարավային Ֆլորիդայի Համալսարանի հետազոտության ընթացքում նրանց մոտ, ովքեր ամեն շաբաթ խմել էին երեք, չորս բաժակ կամ ավել մրգային կամ բանջարեղենային հյութ 76 տոկոսով ավելի քիչ հավանական էր Ալցհեյմերի հիվանդության զարգացումը, քան նրանց մոտ, ովքեր ավելի քիչ էին խմում: Անտիօքսիդիչ պոլիֆենոլների բարձր մակարդակը մրգերի եւ բանջարեղենի մեջ կարող է պաշտպանել ուղեղի բջիջները այդ հիվանդության վնասակար ազդեցությունից», - ասում է հետազոտության ղեկավար, գիտությունների թեկնածու Էմի Բորենշտայնը: |
 |
40. Կեռաս «ԱՄՆ-ի Գյուղդեպարտամենտի հետազոտությունը ցույց է տալիս, որ օրական ուտելով 35 հատ կեռաս կարող եք նվազեցնել տենդինիտի, բուրսիտի, արթրիթի եւ պոդագրայի ռիսկը», – ասում է Բոերմենը: Ըստ ուսումնասիրությունների՝ դրանք նաեւ նվազեցնում են խրոնիկ հիվանդությունների եւ մետաբոլիկ սինդրոմի ռիսկերը: |
