Հայաստանի Հանրապետության արժանապատիվ քաղաքացիներ, Արցախյան հերոսամարտ հաղթանակած հայ ժողովուրդը հայոց պատմության դարավոր էջերում ամրագրեց ձեռքբերումների ևս մեկ տարի և մուտք է գործում 2013 թվական` նվիրվածության, աշխատասիրության, պատասխանատվության և հզորացման տարի:
Անձամբ իմ և «Հայոց Արծիվների» անունից սրտանց շնորհավորում եմ բոլորիդ` Ամանորի և Սուրբ ծննդյան տոների կապակցությամբ:
Առանձնահատուկ շնորհավորում եմ հայոց պետականության սահմանները ամեն վայրկյան անձնուրաց պաշտպանող, խրամատի մեջ գտնվող անպարտելի հայ զինվորներին, հայ սպաներին` վստահեցնելով, որ նրանց թիկունքում գտնվող հայ ժողովուրդը ամենօրյա, ամենժամյա ուշադրության կենտրոնում է պահում հայոց ազգային բանակի ամենամեծ ձեռքբերումը` ազգային, մարտական, հաղթական ոգով լեցուն հայոց զինվորականի անտրտունջ, արժանապատիվ ծառայությունը հայրենիքի հանդեպ:
Մաղթում եմ ձեզ առողջություն, երկարակեցություն, նորանոր ձեռքբերումներ պետականաշինության, այդ թվում նաև բանակաշինության գործում և յուրաքանչյուրիդ գիտակցական կամավորագրումը մեծ և հզոր Հայաստան կերտելու գործընթացներին: Մաղթում եմ ձեզ հայոց լեռներում ճախրող արծիվների անկոտրում ոգի:
Հարգանքով`
«Հայոց Արծիվներ» հայրենասիրական շարժման առաջնորդ` Խաչիկ Ասրյան