Replik.am-ը գրում է.
Թուրքական դատախազությունը պահանջում է 5 տարի  ազատազրկման դատապարտել  Hurriyet ընդդիմադիր թերթի գլխավոր խմբագիր Սեդաթ Էրգինին Թուրքիայի նախագահ Ռեջեփ Թայիփ Էրդողանին վիրավորելու համար:
Ինչպես գրում է  Hurriyet-ը, դատախազության մեղադրանքի պատճառ դարձել է  քրդական ուժերի կողմից թուրքական զինված ուժերի վրա հարձակվելու և 16 թուրք զինվորի զոհվելու դեպքի մասով Էրդողանի արձագանքը: Թերթն Էրդողանի խոսքերը ներկայացրել էր այնպես, իբր վերջինս ասել է, թե դեպքը կապված է հունիսի 7-ին խորհրդանական ընտրությունների արդյունքում իշխող Արդարություն և զարգացում կուսակցության մեծամասնության կորստի հետ:
Նշենք, որ այդ հոդվածից հետո հարյուրավոր ցուցարարներ էին հավաքվել Hurriyet –ի խմբագրության մոտ և քարեր նետել շենքի վրա:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել