Տոնածառի հինն ա լավ, ատկատի` տարեմուտինը

Դե արի ու էս տրաքած, բայց խելքից դուրս թանկանոց, անճաշակ, բայց քաղաքապետարանի բյուջեն մզցրած տոնածառը, պայթած ու կիսահարբած ձմեռ պապիներին ու մեկը մեկից հոպար ձյունանուշիկներին տեսնող երեխային բացատրի, որ իրականում Ամանորը տոն է, իսկ այս ամենի համար ուղղակի պետք է շնորհակալություն հայտնել բոլոր նրանց, ովքեր համ մեր կյանքն են հարամում, համ ձեր մանկությունը:
Ամեն դեպքում պահին արժանի քաղաքի գլխավոր ծառը ինձ դուր եկավ` բարեփոխված էր մի տեսակ, հնության մեջ իմաստություն կար, բորբոսահոտի մեջ նոստալգիա կար, չմաքրած սալանդոստիկների մեջ աբստրակցոնիզմ կար, շքեղ տեսքի մեջ միլիոնները լափելու խորհուրդ կար, ճյուղերից կախված լիքը այո կար, իսկ օդում թևածող` լիքը բաժակաճառ ու կենաց, կոնյակի բույր կար, լիքը կարմիր գիծ կար, մի խոսքով՝ ինչ զիբիլ ասես, որ չկար, համ իրենք են ֆեյք, համ իրենց ստեղծած ֆեյք տոնը...