Թուրքիայի կողմից ռուսական ինքնաթիռի խոցումը հանգեցրեց երկու երկրների միջև տնտեսական և քաղաքական կոլապսի: ՌԴ-ն սահմանափակեց թուրքական արտադրանքի մուտքը ռուսական շուկա: Հաշվի առնելով, որ այդ արտադրանքի զգալի մասը գյուղատնտեսական և մասնավորապես ջերմոցային արտադրանք է` հայ արտադրողները կարող են օգտվել այդ հնարավորությունից և լրացնեն ռուսական շուկայում առկա բացը: Ցավոք, դա այդքան էլ հեշտ չէ:
Գաղտնիք չէ, որ Հայաստանի տնտեսության գերակա ճյուղերից է համարվում գյուղատնտեսությունը: Այստեղ առկա է մոտ 340 հազար գյուղացիական տնտեսություն: Թվում է, թե թիվը բավական մեծ է, սակայն այդ տնտեսությունները բավականին փոքր են:
Հենց դա է պատճառը, որ այս պահին հնարավոր չէ օգտվել ռուսական շուկայի ընձեռած հնարավորություններից: Հարցի լուծման համար հարկավոր է խոշորացնել և զարգացնել այդ տնտեսությունները:
Այդ իսկ պատճառով օրենսդիր մարմին է ներկայացվել օրենքի մի նախագիծ, որով առաջարկվում է ստեղծել գյուղատնտեսական կոոպերատիվներ:
Օրենքի նախագիծը կարգավորում է գյուղատնտեսական կոոպերատիվների և դրանց միությունների ստեղծման, անդամակցության, գործունեության իրականացման, կառավարման, գործունեության դադարման, վերակազմակերպման, լուծարման հետ կապված հարաբերությունները և սահմանում է դրանց մասնակիցների իրավունքները, պարտականություններն ու պատասխանատվությունը:
Օրենքի կիրառումը երկարաժամկետում հնարավորություն կստեղծի զարգացնել գյուղացիական տնտեսությունները, ինչն անմիջականորեն կազդի նաև ընդանուր տնտեսության զարգացման վրա:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել