«Հայկական ժամանակ». ԱՄՆ-ի դաշնային ռեզերվային համակարգի ինտրիգը

«Ամբողջ աշխարհի տնտեսական շրջանակների ուշադրությունը երեկ սևեռված էր ԱՄՆ-ի դաշնային ռեզերվային համակարգի (ԴՌՀ) վրա։ Երևանի ժամանակով ժամը 23-ին ԴՌԳ-ն որոշեց բարձրացնել վերաֆինանսավորման տոկոսադոույքը 0.25 տոկոսային կետով։

Տոկոսադրույքի փոփոխություն ԴՌՀ-ն չէր կատարել վերջին մոտ 10 տարիների ընթացքում։ Արանով ԱՄՆ դոլարի «գինը» բարձրանում է։ Փորձագետները այս իրադարձությանը համարում են «տարվա գլխավոր ինտրիգ»։ Խնդիրն այն է, որ ԱՄՆ-ում տոկոսադրույքի թեկուզ չնչին փոփոխությունը իր ազդեցությունը ունենալու է աշխարհի բոլոր երկրների տնտեսությունների վրա։ Օրինակ ՌԴ կենտրոնական բանկի նախագահ Էլվիրա Նաբիոլլինան նշել է, թե այս իրադարձության արդյունքում Ռուսաստանից կապիտալի արտահոսքը կմեծանա։ Դա բացասական ազդեցություն կունենա ՌԴ տնտեսության վրա, և դրանից անմասն չի մնալու նաև ՀՀ տնտեսությունը։ Նշենք, որ ԴՌՀ-ի որոշումից հաշված րոպեներ անց նավթի համաշխարհային գինը նվազեց 1.5 տոկոսով»,–գրում է թերթը։

 

Մանրամասները՝ թերթի այսօրվա համարում։