Tert.am-ը գրում է.47 երկիր միավորող Եվրոպայի խորհրդի գլխավոր քարտուղար Թորբյորն Յագլանդը պաշտոնական հետաքննություն է սկսում Ադրբեջանում Մարդու իրավունքների եվրոպական կոնվենցիայի դրույթներին հետևելու կապակցությամբ:
«Մարդու իրավունքների եվրոպական դատարանի որոշումներում նշվում է Ադրբեջանում քննադատական ձայները լռեցնելու և ազատ խոսքը սահմանափակելու նպատակով ընդունված իրավունքի չհիմնավորված կիրառման փաստը: Ստեղծված մտահոգիչ իրավիճակում, երբ դրական քայլեր չեն ձեռնարկվել այն կարգավորելու համար, որոշում եմ կայացրել Ադրբեջան ուղարկել իմ ներկայացուցիչներին: Նրանք կառավարությունից կպահանջեն զեկույցներ ներկայացնել երկրում Մարդու իրավունքների կոնվենցիայի դրույթների կատարման վերաբերյալ»,- ասել է Յագլանդը:
Եվրոպայի խորհրդի գլխավոր քարտուղարը հատկապես մտահոգություն է հայտնել այն փաստի շուրջ, որ Ադրբեջանում պաշտոնյաներն օգտագործում են իրենց լիազորությունները խոսքի ազատությունը սահմանափակելու համար: Նրա խոսքով` դա կոնվենցիայի կոպիտ խախտում է:
Նյութի աղբյուր՝ http://www.tert.am/am/news/2015/12/16/yagland/1876372
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
