Ամանորյա յուրօրինակ հավաքածու «Avenue des Fleurs»-ում

Եթե ինչպես դիմավորես Նոր տարին, այնպես էլ այն կշարունակվի, նշանակում է՝ Ամանորին ամեն բան պետք է լինի շատ գեղեցիկ։ Գեղեցիկի ամանորյա բանաձևն առաջարկում է «Avenue des Fleurs» խանութ սրահը, որն, ինչպես ամեն տարի, այս տարի էլ ներկայացնում է նոր հավաքածու։ Խանութում ամեն բան կա՝ տանը տոնական տրամադրություն ստեղծելու և ձեր երեխաների ուրախացնելու համար։

Այս տարի խանութ-սրահը շեշտը դրել է երեխաների համար տոն ստեղծելու վրա՝ ներմուծելով «My baby’s first Christmas» հավաքածուն։ Խանութ-սրահի սեփականատեր Էդգար Ավետիսյանը նկատեց, որ այն իր տեսակի մեջ առաջինն է Հայաստանում։ «Ներմուծել ենք բարձրորակ խաղալիքներ, տոնածառներ, ինչպիսիք գրեթե հնարավոր չէ գտնել Հայաստանում. մեր ամբողջ ապրանքատեսականին ներմուծվում է Գերմանիայից ու Հոլանդիայից և համապատասխանում է եվրոպական ստանդարտներին։ «Avenue des Fleurs»-ն առաջին խանութն է եղել Հայաստանում, որը ցուցադրել է ամանորյա հավաքածու։ 2006 թվականից մինչ օրս ամեն տարի ցուցադրում ենք Նոր տարվա հավաքածուն ու փորձում նոր մի բան անել։ Այս տարի շեշտը դրել ենք երեխաների վրա»,- ասաց նա։

«Avenue des Fleurs»-ը նաև ամանորյա ձևավորումներ է անում տներում, սրահներում, շենքերում, խանութներում և այլ տեղերում։

Խանութի մշտական հաճախորդների և մեծ գնումներ անողների համար գործում են զեղչեր։

Ի դեպ, նոր հավաքածուի առաջին ցուցադրությանը ներկա են եղել մի շարք հայտնի մարդիկ, ովքեր եկել էին իրենց երեխաների հետ, քանի որ տոնը հենց երեխաների համար էր կազմակերպված։