Գերմանիան ցանկանում է կտրուկ նվազեցնել փախստականների հոսքը երկիր

Tert.am-ը գրում է.

Գերմանիայի իշխանությունները ցանկանում են կտրուկ կրճատել փախստականների հոսքը երկիր, գրում է Газета-ն` հղում անելով ARD հեռուստաալիքին:

 

Նման հայտարարություն է արել Գերմանիայի կանցլեր Անգելա Մերկելը: Նա բացատրել է, որ Գերմանիան ստանձնել է այն մարդկանց համար պատասխանատվությունը, ովքեր «մտածում են իրենց ապագայի մասին», այդ պատճառով էլ իշխանությունները ցանկանում են կտրուկ կրճատել ժամանող փախստականների հոսքը:

 

Ավելի վաղ Գերմանիայի ներքին գործերի նախարար Թոմաս դե Մեզյերը հայտարարել էր, որ իր երկիրը կարող է սկսել մերժել փախստականներին արդեն իսկ սահմանին:

 

Նախարարի խոսքով` սահմանների հնարավոր փակման հարցը քննարկվել է սեպտեմբերին տեղի ունեցած բանավեճերի ընթացքում։