Չինաստանում կառուցել են ապակուց ամենաերկար կամուրջը

Չինաստանի հարավ-արևելքի Հունան նահանգի Չժանցզյացզե ազգային պարկում կառուցել են ամենաերկար ապակյա կամուրջը, հայտնում է realty.vesti.ru-ն: Կամուրջի երկարությունը կազմում է 430 մ, որն այդ տիպի կառույցի համար ռեկորդային է: Նրա լայնությունը 6 մ է, իսկ բարձրությունը գետնից 400 մ է:

Կառույցի անվտանգությունն ապացուցելու համար շինարարներն անցկացրել են 100-ից ավելի թեստ: Փորձերից հաստատվել է, որ կամուրջը կարող է դիմանալ միաժամանակ 800 մարդու քաշին: Այն թեստավորել են նաև բնության երևույթների նկատմամբ կայունությանը` ջերմաստիճանային փոփոխություններին և ուժեղ քամու ժամանակ ճոճմանը:

Չժանցզյացզե ազգային պարկն առաջին հերթին հայտնի է նրանով, որ այնտեղ են նկարահանել Պանդորա մոլորակի եզակի տեսարաններն «Ավատար» ֆիլմից