Tert.am-ը գրում է.
Իրանը պատրաստ է Թուրքիայի կառավարությանը տրամադրել Թուրքիայում «Իսլամական պետության» կողմից իրականացվող նավթի առևտրի մասին իր տվյալները:

Ինչպես փոխանցում «ԻՐՆԱ»  իրանական լրատվական գործակալությունը` այս մասին հայտարարել է Իրանի Որոշումներ կայացնելու նպատակահարմարության խորհրդի  քարտուղար Մոհսեն Ռեզաին: 

«Եթե Թուրքիայի կառավարությունը տեղեկացված չէ երկրում ԻՊ-ի նավթի առևտրի մասին, ապա մենք պատրաստ ենք տեղեկություն տրամադրել»,- ասել է Ռեզաին Սիրիայում հակամարտության հետևանքով տուժածներին այցելության ժամանակ:

Նրա խոսքով` իրանական կողմը տեսանյութով և լուսանկարներով ֆիքսել է Սիրիայի բոլոր ուղիները, որոնցով անցնում են ԻՊ-ի նավթը Թուրքիա  հասցնող բեռնատարները: Նա ընդգծել է, որ այդ ապացույցները կարող են հրապարակվել նաև ԶԼՄ-ներում:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել