Հյուրանոցի աշխատակիցները ֆուտբոլիստին շփոթել են ահաբեկչի հետ

Lurer.com–ը գրում է.

Իտալական «Ռոմայի» և Բելգիայի հավաքականի կիսապաշտպան Ռաջա Նաինգոլանին հյուրանոցի աշխատակիցները շփոթել են ահաբեկչի հետ: Այս մասին տեղեկացնում է La Gazzetta dello Sport-ը:

Միջադեպը տեղի է ունեցել այն բանից հետո, երբ ահաբեկչության հավանականության պատճառով չեղարկվել է Բելգիա-Իսպանիա ընկերական հանդիպումը:

Ֆուտբոլիստը որոշել է մնալ Բելգիայում, սակայն բելգիական հյուրանոցի աշխատակիցները նրան շփոթել են ահաբեկչի հետ և զանգել ոստիկանություն: 

Ոստիկաններն ուժ չեն կիրառել, քանի որ հասկացել են՝ Նաինգոլան Բելգիայի հավաքականի ֆուտբոլիստ է:

«Բարեբախտաբար, ոստիկանները շուտ ճանաչեցին ինձ և մենք լուսանկարվեցինք»,- ֆուտբոլիստի խոսքը մեջբերում է Football Italia-ն: