Tert.am–ը գրում է.

Քրդական «Փեշմերգա» զինված խմբավորումը հինգշաբթի «Իսլամական պետություն» ահաբեկչական խմբավորման զինյալներից ազատագրել է իրաքյան Սինջար քաղաքի վարչական շենքը:

Ինչպես հաղորդում է Корреспондент-ը` վկայակոչելով իրաքյան հեռուստաընկերությունը, քրդերն ամերիկյան  ավիացիայի աջակցությամբ այսօր սկսել են հարձակումն ԻՊ-ի դիրքերի վրա Սինջարում:

Լրատվամիջոցների տվյալներով` Սինջարի ազատագրմանն ուղղված գործողությունների սկզբից ի վեր, իրենց հաջողվել է հետ մղել ԻՊ-ի զինյալներին 5 հարակից գյուղից:

Այսօր ավելի վաղ հաղորդվում էր նաև Բաշար ալ-Ասադի զորքերի կողմից Հալեպի ազատագրման մասին:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել