Lurer.com-ը գրում է.

Եգիպտոսում՝ Սինայի թերակղզու հյուսիսում ահաբեկչություն է տեղի ունեցել: Ականատեսները հաղորդել են չորս պայթյունների մասին, որոնք տեղի են ունեցել Հյուսիսային Սինայի վարչական կենտրոն համարվող Էլ–Արիշ քաղաքում:

ՏԱՍՍ-ի փոխանցմամբ՝  այժմ հայտնի է ինը զոհի մասին: Գրոհայինները կրակ են բացել բնակելի տան վրա և դրա մոտակայքում պայթեցրել են մեքենան, որի մեջ ռումբ էր տեղադրված: Գրեթե բոլոր զոհերը եգիպտացիներ են՝ մեկ ընտանիքի անդամներ, որոնց թվում եղել է երկու մանկահասակ երեխա:

Ինչպես տեղեկացնում են տեղական ուժայինները, Սինայում աահաբեկչություններից մեծ մասի ետևում կանգնած է «Անսար Բեյթ ալ Մակդիս» խմբավորումը, որը «Իսլամական պետության» մաս է կազմում:

Էլ–Արիշ քաղաքը գտնվում է ռուսական  А-321 ինքնաթիռի կործանման վայրի մերձակայքում:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել