Երեք երեխայի մայր և օնկոլոգիայի բաժանմունքի նախկին բժշկուհի Հոլլի Քրիստենսենը քիմիաթերապիայից մազերը կորցրած երեխաների համար կեղծամներ է կարում։ Յուրաքանչյուր աղջնակ ստանում է դիսնեյյան իր սիրելի հերոսի սանրվածքի պես կեղծամ և մի փոքր ավելի երջանիկ է դառնում։
Այդպիսի միտք Հոլլիի մոտ ծագեց այն ժամանակ, երբ նրա ընկերուհու 2–ամյա դստեր մոտ լիմֆոմա ախտորոշեցին։
–Իմանալով, թե ինչ դժվարությամբ է նա հրաժարվելու իր փարթամ մազերից, ես նրա համար Ռապունցելի սանրվածքով կեղծամ գործեցի,–պատմում է Հոլլին։
Բոլոր նահանգներից հիվանդ երեխաների մայրիկները կնոջը խնդրում են իրենց երեխաների համար էլ նմանատիպ կեղծամներ գործել։
Հոլլին ցանկանում է գոնե մեկ կաթիլ կախարդանք մտցնել երեխաների` կյանքի առանց այդ էլ դժվար շրջանում։ Եվ վստահաբար կարելի է ասել, որ դա նրա մոտ ստացվում է։
Նա նույնիսկ համացանցում տեղադրել է գործելու ձևը, որպեսզի մնացածներն էլ հնարավորություն ունենան առանց իր օգնության երջանկացնել երեխաներին։
