Ֆրանսիական Le Figaro պարբերականը հրապարակել է Եվրոպայի ժողովուրդների վարկանշային ցուցակն ըստ նրանց օգտագործած շոկոլադի քանակի:
Պարբերականը նշում է, որ Եվրոպայում շոկոլադի ամենամեծ սիրահարները գերմանացիներն են: Գերմանիայի բնակիչները երկու անգամ ավելի շատ շոկոլադ են ուտում, քան ֆրանսիացիները՝ 12,22 կգ մեկ մարդու հաշվով 6,69 կգ-ի դիմաց:
Շոկոլադի նկատմամբ իրենց սիրով գերմանացիներն առաջ են անցել նաև շվեյցարացիներից, ում շոկոլադի սպառման անցած տարվա ցուցանիշը կազմել է 11,7 կգ: Ոլորտի մասնագետների խոսքով՝ Գերմանիայի այդ ցուցանիշի պատճառները պետք է փնտրել երկրի ավանդույթներում:
Պարբերականը նշում է, որ գերմանացիները նախընտրում են շատ քաղցր շոկոլադ, ֆրանսիացիները՝ դառը:
Գերմանիային և Շվեյցարիային թոփ-10-ում հաջորդում են՝ Մեծ Բրիտանիան, Ավստրիան, Դանիան, Բելգիան, Ֆինլանդիան, Ֆրանսիան, Իռլանդիան և Լիտվան:
